Masallı rayon Mərkəzi Kitabxanasında kənd kitabxana filialları əməkdaşlarının iştirakı ilə sentyabr ayının yekunu ilə bağlı seminar keçirilib. Bu haqda məlumatı Cenublu.az bu gün, 2 oktyabr tarixində verir.
Tədbirə başlamazdan öncə ulu öndər Heydər Əliyevin və Azərbaycanın ərazi bütövlüyünün bərpası uğrunda gedən döyüşlərdə canından keçmiş şəhidlərin əziz xatirəsi bir dəqiqəlik sükutla yad olunub.
Açılış nitqi ilə çıxış edən kitabxananın direktor əvəzi Zamin Məmmədov gündəlikdə duran məsələlər barədə iştirakçılara məlumat verib. Sonra cari ildə görülmüş işlərin nəticələri və qarşıdakı aylarda nəzərdə tutulan tədbirlərlə bağlı müzakirələr aparılıb. Kitabxana xidmətinin səmərəliliyinin artırılması və oxucularla aparılan işin keyfiyyətinin daha da yüksəldilməsi istiqamətində müvafiq tapşırıqlar verilib.
