Masallı rayonu Qəzvinoba kənd məktəbinin tikintisi ilə bağlı elan olunan tender yekunlaşıb. Bu haqda məlumatı Cenublu.az bu gün, 5 oktyabr tarixində dövlət satınalmalarının vahid internet portalına istinadən xəbər verir.
Belə ki, tenderin qalibi "Turan.İ.O" MMC şirkətidir. Qalib şirkətə 180 şagirdlik tam orta məktəbin tikintisi üçün 2,41 milyon manat ödəniləcək.
Qeyd edək ki, kənd məktəbinin qəzalı vəziyyətdə olması ilə bağlı Cenublu.az dəfələrlə paylaşımlar edib.
