Daha öncə sosial şəbəkələrdə və digər xəbər portallarında Masallı rayonundan olan süpürgəçi qadının azyaşlı övladı ilə birgə hər gün səhər Ələt-Astara magistralının ətrafında təmizlik işləri apardığı xəbəri yayılmışdı.
Məsələ ictimailəşəndən sonra qadına Mənzil Kommunal Təsərrüfatı İstehsalat Birliyi tərəfindən övladı ilə birgə işə gəlməyə qadağa qoyulmuşdur. Qadın isə bildirmişdir ki, onun böyük övladları səhər saatlarında məktəbə getdiyindən kiçik övladını qoymağa yeri olmur və onu özü ilə məcburən işə gətirir.
Biz də Cenublu.az olaraq məsələni 21 sentyabr tarixində işıqlandırdıq ki, qoyulan qadağa götürülsün və qadının problemi aradan qaldırılsın.
Nəhəyət bu gün, 4 oktyabr tarixində Masallı rayon İcra Hakimiyyətindən saytımıza bildirildi ki, qadının uşağı artıq bağçaya yerləşdirilib və problem aradan qaldırılıb.
