Masallı kəndlərində küçələr işıqlandırılır.
Cenublu.az Masallı Rayon İcra Hakimiyyətinə istinadən xəbər verir ki, Tüklə, Sığdaş və Məmmədrzakücə kəndlərinin ərazilərində küçələr işıqlandırılıb.
Belə ki, Tüklə kəndində Şəhid Söhrab Mehdiyev küçəsi 500 metr məsafədə gecə işıqlandırılması ilə təchiz edilib. Sığdaş kəndində 360 metr məsafədə 30 ədəd işıq dirəyi basdırılaraq küçənin işıqlandırılması təmin olunub. Bundan əlavə, Məmmədrzakücə kəndində ümumi uzunluğu 2,5 km olan küçəyə işıqlandırılma sistemi quraşdırılıb.
