İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev Masallı və Yardımlı rayon sakinlərini qəbul edəcək. Bu haqda məlumatı Cenublu.az bu gün, 5 oktyabr tarixində verir.
Qəbul Masallı şəhəri, Zərifə Əliyeva küçəsi, 54 ünvanında yerləşən Masallı Rayon Mərkəzi Xəstəxanasının konfrans zalında (2-ci mərtəbə) 21 oktyabr saat 10:00-da başlayacaq.
Qəbula gəlmək istəyən vətəndaşlar şəxsiyyəti təsdiq edən sənədlə birgə Masallı və Yardımlı rayon mərkəzi xəstəxanalarının Ümumi şöbələrinə müraciət etməklə, eləcə də İcbari Tibbi Sığorta üzrə Dövlət Agentliyinin 1542 Çağrı mərkəzinə, (+994 12) 310 07 70 (daxili 2117) əlaqə nömrəsinə zəng etməklə və ya Agentliyin www.its.gov.az rəsmi saytının vətəndaşların qəbulu üçün onlayn qeydiyyat bölməsi vasitəsilə, yaxud [email protected] elektron poçt ünvanına yazmaqla qeydiyyatdan keçə bilərlər.
Qəbula qeydiyyat 20 oktyabr 2022-ci il, saat 18:00-da başa çatır.
