Masallıdan olan gənclər üçün "Peşələr və ixtisaslar" mövzusunda təlim baş tutub. Bu haqda məlumatı Cenublu.az bu gün, 28 noyabr tarixində verir.
Belə ki, təlimçi Orxan Əliyevin təqdimatında keçirilən sessiyada ixtisas və peşələrin əmək bazarında olan dəyəri, kadr potensialının formalaşdırılması və əmək bazarında tələblər barədə müzakirələr aparılıb. Daha sonra iştirakçılar öz bacarıq və maraqlarını sorğulayıblar, müxtəlif metodlarla güclü və zəif cəhətlərini müəyyənləşdiriblər.
Qeyd edək ki, təlim GİKM-in Lənkəran-Astara Regional nümayəndəliyinin Masallı bölməsinin və Lənkəran-Astara Regional Gənclər və İdman İdarəsinin Masallı sektorunun dəstəyi ilə təşkil edilib.
