Masallıda Beynəlxalq Müəllimlər Gününə həsr olunmuş tədbir təşkil olunub. Bu haqda məlumatı Cenublu.az bu gün, 5 oktyabr tarixində verir.
Tədbirdə “Masallı Gənclər Evi” sosial xidmət müəssisəsinin kollektivi və Masallı Dövlət Regional Kollecinin müəllimləri çıxış edərək təhsil işçilərini və müəllimləri peşə bayramları münasibətilə təbrik edib, onlara fəaliyyətlərində yeni uğurlar arzulayıblar.
Tədbirin sonunda təhsildə fərqləndiklərinə görə müəllimlərə “Masallı Gənclər Evi” sosial xidmət müəssisəsi tərəfindən fəxri fərmanlar təqdim olunub.
