Masallıda “DİN sistemində Təhsilə və xidmətə təşviq”lə bağlı seminar keçirilib. Bu haqda məlumatı Cenublu.az bu gün, 5 oktyabr tarixində Masallı rayon İcra Hakimiyyətinə istinadən verir.
Masallı şəhər Dəfinə məktəb-liseyində keçirilən seminarı giriş sözü ilə Masallı rayon Polis şöbəsinin şəxsiyyət üzrə rəis köməkçisi İxtiyar Talıbov açaraq Prezidentin Sərəncamı ilə təsdiq olunmuş “2015-2025-ci illərdə Azərbaycan gənclərinin İnkişafı Startegiyası”ndan irəli gələn məsələlər barədə söhbət açıb.
Tədbirdə Masallı rayon İcra Hakimiyyəti Başçısı aparatının Hüquq şöbəsinin məsləhətçisi, polis veteranı Azər Bəhmənov, Əmək və Silahlı Qüvvələr Veteranları Təşkilatının rayon şöbəsinin sədri, polis veteranı Məmmədağa Şiriyev, liseyin müəllimləri və yuxarı sinif şagirdləri iştirak ediblər.
Seminarın sonunda şagirdləri maraqlandıran suallar cavablandırılıb və xatirə şəkilləri çəkdirilıb.
