Masallı Tarix-Diyarşünaslıq Muzeyində muzeyin yaradıcısı, əməkdar müəllim Rəhim Kərim oğlu Tağıyevin anım gününə həsr olunmuş tədbir keçirilib. Bu haqda məlumatı Cenublu.az bu gün, 13 oktyabr tarixində Masallı rayon İcra Hakimiyyətinə istinadən verir.
Əvvəlcə şəhidlərin və muzeydə çalışmış dünyasını dəyişən şəxslərin əziz xatirəsi bir dəqiqəlik sükutla yad edilib.
Sonra muzeyin yaranmasında böyük əməyi olan Rəhim Tağıyevin həyat yolu və fəaliyyətindən danışılıb.
Yekunda tədbir iştirakçıları Rəhim Tağıyevin məzarını ziyarət edərək, üzərinə gül dəstələri qoyub, ruhuna dualar oxuyublar.
