Masallı rayonunun 3 kəndində şəhidlərimizin xatirəsini əbədiləşdirmək məqsədilə bulaq-abidə kompleksləri ucaldılıb. Bu haqda bu gün, 28 sentyabr tarixində Cenublu.az Masallı RİH-yə istinadən xəbər verir.
Bulaqlar rayonun Türkoba, Miyankü və Hişkədərə kəndlərində Birinci Qarabağ və Vətən müharibələri şəhidlərinin adına tikilib. Abidələrin açılış mərasimində Masallı Rayon İcra Hakimiyyətinin başçısı Araz Əhmədov və aparatı, YAP fəalları, hüquq-mühafizə orqanlarının rəhbərləri, şəhid ailələri, qazilər, rayon ziyalıları və digərləri iştirak ediblər.
Tədbirlərdən öncə Azərbaycanın Dövlət Himni səsləndirilib və şəhidlərimizin xatirəsi yad edilib.
