Lənkəran şəhərində yerləşən Dövlət İmtahan Mərkəzinin regional bölməsinin inzibati binasında magistratura səviyyəsinə qəbul imtahanı üzrə sınaq imtahanı təşkil olunacaq.
Cenublu.az xəbər verir ki, sınaq imtahanında iştirak etmək üçün 6 yanvar saat 23:59-dək DİM-in internet saytında qeydiyyatdan keçmək lazımdır.
İştirakçılar qeydiyyat linki vasitəsilə “Şəxsi kabinet”in istifadəçi adı və parolundan istifadə etməklə sistemə daxil olub imtahana yazıla bilərlər.
Xatırladaq ki, imtahan iştirakçıları sınaq imtahanından dərhal sonra DİM-in ekspertləri ilə görüşüb nəticələri ilə bağlı məsləhət də ala biləcəklər. Bundan əlavə, sınaq imtahanında iştirak etmiş şəxslərə magistraturaya qəbul imtahanları, ixtisas seçimi və digər məsələlər barəsində məlumat veriləcək. Həmçinin DİM-in məsul işçiləri tərəfindən bakalavrları maraqlandıran suallar cavablandırılacaq.
