Bir müddət öncə "Limonçik" ləqəbli Əli İsmayıllının avtomobillərin dövlət qeydiyyat nişanlarını oğurlaması ilə bağlı məlumat yayılmışdı.
Cenublu.az xəbər verir ki, onun saxlanıldığı bildirilmişdi, lakin artıq bir neçə gündür ki, o, "TikTok" platformasında canlı yayımlar təşkil edir.
Əli İsmayıllı, yaşının az olması səbəbindən, Cinayət Məcəlləsinə uyğun olaraq ailəsi ilə birlikdə profilaktik söhbətə cəlb edilmişdi.
Qeyd edək ki, Əli İsmayıllı və digər şəxslər oğurladıqları avtomobillərin sahiblərinə Qazaxıstan nömrələri ilə zəng edib pul tələb ediblər. Abşeron rayonu, Xırdalan şəhərində onlar "Toyota", "Hyundai", "Range Rover" və "Mercedes-Benz" markalı 5 avtomobilin dövlət qeydiyyat nişanlarını oğurlamışdı.
Əlavə olaraq, Əli İsmayıllı bir müddət əvvəl Rusiyada limon satmaqla sosial şəbəkələrdə populyarlaşmışdı və onun saxlanılması ilə bağlı xəbərlər yayılmışdı.
View this post on Instagram
