“Yeddi uşağımın olması məni xoşbəxt edəcək”.
Cenublu.az xəbər verir ki, bunu Rusiyada məşhurlaşan müğənni Jony (Cahid Hüseynli) “Marie Claire” jurnalına müsahibəsi zamanı deyib.
Jony müasir qadınlar haqqında danışaraq, onların karyeraya fokuslandığını və evinin qadını olmağı özünə sığışdırmadıqlarını bildirib:
“Tanıdığım qızların 50%-i yemək bişirə bilmir. Gələcəkdə uşaqlarımın hazır yemək yeməsini istəmirəm”.
Jony ailə münasibətlərindən də bəhs edib, 35 ildir bir yerdə olan nənə-baba və valideynlərindən ilham aldığını bildirib:
“Mənim üçün nəsli davam etdirmək həyatın ən vacib tərəflərindən biridir. Uşaq Allahın hədiyyəsidir və ona görə də biri də olsa, məni sevindirəcək. Amma yeddi uşağımın olması məni xoşbəxt edəcək”.
