Saat 9:00-a olan məlumata əsasən ölkə ərazisində yağıntılı və küləkli hava şəraiti müşahidə olunur.
Milli Hidrometeorologiya Xidmətindən Cenublu.az-a verilən məlumata görə, dağlıq rayonlara qar yağır.
Yağan qarın hündürlüyü Lerikdə 79, Yardımlıda isə 23 sm-dir.
Bəzi yerlərdə isə yağış yağır. Belə ki, düşən yağıntının miqdarı Astara, Lənkəranda 13 mm, Biləsuvarda 1 mm-dək qeydə alınıb.
Dağlıq rayonlarda 8, yüksək dağlıq ərazilərdə isə 17 dərəcəyədək şaxta qeydə alınıb.
