Lerikdə irigövdəli ağacın budağı 51 yaşlı Lənkəran sakininin üzərinə düşərək onun ölümünə səbəb olub.
Cenublu.az xəbər verir ki, hadisə Lerik rayonunun Gürdəsər meşəsinin 9-cu dolayında baş verib.
Belə ki, Diryan kənd sakini, 51 yaşlı İbrahim Nəriman oğlu Ağayev şəhid ailələri üçün ayrılan kvota ilə meşəyə odun gətirməyə gedib. Meşə ərazisində odun doğrayarkən yaxınlıqdakı ağacın iri budağı onun üstünə aşıb və o, ağır xəsarət alıb. Ətrafdakıların köməyi ilə meşə ərazisindən çıxarılaraq kəndə yaxın yerə gətirilib. Lakin yolsuzluq səbəbindən təcili tibbi yardım briqadası əraziyə çatana qədər o, dünyasını dəyişib.
Faktla bağlı araşdırma aparılır.
