Lerikdə iri qaya parçası yoldan götürülüb.
Cenublu.az-ın verdiyi xəbərə görə, Lerik rayonunun ucqar Dico dağ kəndində iri qaya parçasının yola düşməsi nəticəsində Lerik-Piran-Veri-Dico yolu bağlı idi. Tikaband kənd ərazi icra nümayəndəsi Bəyəli Bədəlov Cenublu.az-a bildirdi ki, iki gündür ərazidə traktor işləyir. "Nəhayət, bu səhər yol tamamilə açıldı. İri qaya parçası ərazidən götürülüb", - deyə o əlavə edib.
Qeyd edək ki, sakinlər bu müddət ərzində Tikaband-Hücü-Dico yolundan istifadə edirdi. Bu da əsas yoldan uzaq idi.
