Lerik Rayon İcra Başçısının Kirəvud kəndi üzrə ərazi icra nümayəndəsi Əliyev Şəfiq Şaiq oğlu dünyasını dəyişib. Onun intihar etdiyi deyilir. Lakin Şəfiq Əliyevin hansı səbəbdən bu addımı atması hələlik məlum deyil. Vəzifəli şəxsin meyiti yaxınları tərəfindən tapılıb. Lerik Rayon İcra Hakimiyyəti hadisəni təsdiq edib. Hazırda rayonun hüquq mühafizə orqanlarının əməkdaşları hadisə yerindədilər.
Modern.az hadisənin detallarını öyrənmək üçün Lerik rayon İcra Hakimiyyəti ilə əlaqə saxlayıb.
Lerik rayon İcra Hakimiyyəti başçısının müavini Habil Məlikov açıqlamasında intihar edən icra nümayəndəsi ilə bağlı bunları deyib:
"Çox savadlı, ədəbli-ərkanlı, mədəni işçi idi. Eyni zamanda onun çox gözəl gənc ailəsi vardı. Onun digər işçilərlə, əməkdaşlarımızla problemi olmayıb. İntihar etməsinin səbəbini bilmirik. Bu, hüquq-mühafizə orqanlarının araşdırmasından sonra məlum olacaq. Heç ailəsi də nə üçün intihar etdiyini bilmir. Narahatçılıq heç vaxt sezməmişik. Onun iş yeri kəndə yaxındır. Evə gedib, sonra qayıtmayıb".
Qeyd edək ki, mərhum Şəfiq Əliyev ailəli olub, 1 uşağı var.
***
Lerikdə vəzifəli şəxsin ölümü ilə bağlı bəzi təfərrüatlar məlum olub.
Cenublu.az xəbər verir ki, 30 yaşlı Şəfiq Əliyev günorta 13:00 radələrində işdə, ona verilən tapşırığı yerinə yetirmək üçün əraziyə çıxdığını bildirib.
Bundan sonra onun telefonuna zəng çatmayıb. Axşam saat 19:00 radələrində, yaxınları tərəfindən axtarılan icra nümayəndəsinin avtomobili Boykənd kənd qəbirstanlığının qapısında aşkarlanıb.
Ş.Əliyevin axtarışında olan yaxınları, qəbirstanlığı axtarmağa başlayıblar. Axtarışlar nəticəsində onun meyiti qəbirstanlığın içində ağacdan asılı vəziyyətdə tapılıb.
Meyit daxili və xarici müayinə üçün Məhkəmə Tibbi Ekspertiza və Potoloji Anatomiya birliyinin Lənkəran rayon şöbəsinə təhvil verilib.
***
Lerikdə 30 yaşlı kişinin meyiti aşkar edilib.
Cenublu.az - ın məlumatına görə, Kiravud kənd ərazi icra nümayəndəsi, 30 yaşlı Şəfiq Şaiq oğlu Əliyevin meyiti tapılıb. Onun intihar etdiyi deyilir.
Hadisə Lerik RİH tərəfindən təsdiqlənib. Lakin Ş.Əliyevin ölüm səbəbləri hələlik məlum deyil.
Hazırda rayon hüquq mühafizə orqanlarının əməkdaşları hadisə yerindədilər.
Faktla bağlı araşdırma aparılır.
Qeyd edək ki, Ş.Əliyev işində nümunəvi, məsuliyyətli və gözəl xasiyyətli biri olub.
