Lənkəranda piyadanın xəsarət alması ilə nəticələnən yol-nəqliyyat hadisəsi baş verib.
Cenublu.az xəbər verir ki, hadisə gecə saatlarında köhnə Ələt-Astara magistral yolunun 206-cı kilometrliyində, rayonun Aşağı Nüvədi kəndi ərazisindən keçən hissəsində qeydə alınıb.
Belə ki, Gərmətük qəsəbə sakini, 46 yaşlı İslam Əkbərovun idarə etdiyi "Fiat" markalı avtomobil hərəkətdə olarkən yolu keçmək istəyən Aşağı Nüvədi kənd sakini, 58 yaşlı Ağgül Bağırovanı vurub.
Hadisədən sonra sürücü yaralını idarə etdiyi avtomobillə Lənkəran Rayon Mərkəzi Xəstəxanasına çatdırıb. Ağır xəsarətlər alan qadına ilkin tibbi yardım göstərildikdən sonra reanimasiya şöbəsinə yerləşdirilib. Həkimlərin sözlərinə görə, onun vəziyyəti ağır olaraq qiymətləndirilir.
Faktla bağlı araşdırma aparılır.
