Bu gün Azərbaycanın azadlığı və müstəqilliyi uğrunda mübarizənin rəmzinə çevrilən 20 Yanvar faciəsindən 36 il ötür. Həmin gün Azərbaycan xalqı azadlıq yolunda ilk şəhidlərini verib, Vətən övladları canları bahasına xalqımızın qəhrəmanlıq salnaməsinə şanlı səhifə yazıblar.
Qanlı 20 Yanvar hadisələri Lənkəran rayonundan da yan keçməyib. O dövrdə əliyalın lənkəranlılar rus və erməni silahlı birləşmələrinə qarşı mübarizə apararaq şəhidlik zirvəsinə ucalıblar.
Anım tədbirləri çərçivəsində gün ərzində Lənkəran şəhərində yerləşən Şəhidlər Abidə Kompleksi ictimaiyyət nümayəndələri tərəfindən ziyarət edilib.
Saat 12:00-da rayon ərazisində şəhidlərin xatirəsi bir dəqiqəlik sükutla yad olunub, nəqliyyatın hərəkəti dayandırılıb, avtomobillərdən səs siqnalları verilib.
