Lənkəran Dövlət Universitetinin (LDU) 1 saylı tədris binasının həyətində baytarlıq klinikası tikiləcək.
Trend.az məlumat verir ki, klinika Lənkəran şəhəri 170 A ünvanında yerləşən universitetin 1 saylı tədris binasının həyətində inşa olunacaq.
Belə ki, artıq bununla bağlı Lənkəran Dövlət Universiteti hazırlıq işlərinə yekun vurub.
Universitet sözügedən işlərin icrasını "AS-Təmir Tikinti" Məhdud Məsuliyyətli Cəmiyyətinə (MMC) həvalə edib və müqavilə bağlayıb.
Müqaviləyə əsasən, şirkətə baytarlıq klinikasının tikintisi üçün 1,9 milyon manat ödənilib.
Qeyd edək ki, universitetin sözügedən işlərin icrasını həvalə etdiyi MMC 2017-ci ildə dövlət qeydiyyatına alınıb. Nizamnamə kapitalı 100 manat olan şirkətin qanuni təmsilçisi Mustafayev Anar Ağasəf oğludur.
