Lənkəran Dövlət Universitetində (LDU) cari tədris ilinin həmkarlar ittifaqı fəalı olan və imtahanlarda uğur qazanan tələbələr Azərbaycan Təhsil İşçiləri Azad Həmkarlar İttifaqı Respublika Komitəsinin “Adlı təqaüd”ünə layiq görülüblər. Bu haqda məlumatı Cenublu.az bu gün, 16 noyabr tarixində verir.
“Adlı təqaüd”ləri qazanan tələbələri təqdim edirik:
- Sahibə Həşimova – Filologiya və ibtidai təhsil fakültəsinin Azərbaycan dili və ədəbiyyatı müəllimliyi ixtisasının IV tədris ili tələbəsi;
- Gülçin Allahverdiyeva – İqtisadiyyat və idarəetmə fakültəsinin iqtisadiyyat ixtisasının III tədris ili tələbəsi.
Mükafatların təqdimetmə mərasimində LDU-nun Tədrisin təşkili və təlim texnologiyaları üzrə prorektoru vəzifəsini icra edən dos. Zaur Məmmədov, LDU Həmkarlar Komitəsinin sədri Vaqif Quliyev, Filologiya və ibtidai təhsil fakültəsinin dekanı dos. Elman Mirzəyev və İqtisadiyyat və idarəetmə fakültəsinin dekanı dos.Gülbəniz Əliyeva iştirak ediblər.
Qeyd edək ki, “Adlı təqaüd”ün məbləği 300 manat təşkil edir.
