Lənkəran Dövlət Universitetində (LDU) Bilik Günü tədbiri baş tutub. Bu haqda məlumatı Cenublu.az bu gün, 15 sentyabr tarixində verir.
LDU-nun rektoru tədbir zamanı son 5 ildə aparılan çoxistiqamətli işlərdən söz açıb. O, yeni tədris korpuslarının, tələbə yataqxanalarının inşasını, modern tədris laboratoriyalarının quraşdırılmasını, xarici universitetlərlə beynəlxalq əlaqələrin genişləndirilməsini, yeni elmi kadrların hazırlanmasını universitetin inkişafında mühüm istiqamət kimi dəyərləndirib, bu il istifadəyə verilən 250 yerlik oğlan tələbələr üçün nəzərdə tutulmuş yataqxana binasını 2023/2024-cü tədris ilinin ən uğurlu yeniliyi adlandırıb və bu istiqamətdə işlərin davamlı aparılacağını qeyd edib.
Qeyd edək ki, hazırda universitetdə 43 bakalavriat, 35 magistr ixtisaslaşması üzrə 6 min nəfərə yaxın tələbə təhsil alır. 2023/2024-cü tədris ilində LDU-ya 1622 bakalavr (II turun qeydiyyatı davam edir) və 254 magistr qəbul olunub.
