Lənkəran Dövlət Universitetinin rektoru professor Natiq İbrahimovun başçılıq etdiyi nümayəndə heyəti Türkiyə Respublikasının Ankara Universitetində işgüzar səfərdə olub. Bu haqda məlumatı Cenublu.az bu gün, 25 oktyabr tarixində verir.
Nümayəndə heyətinin üzvləri əvvəlcə Ankara Universitetinin rektoru professor Necdet Ünüvarla görüşüblər. Görüş zamanı universitetlər arasında əlaqələrin möhkəmləndirilməsi ətraflı müzakirə olunub, əməkdaşlığın istiqamətləri barədə fikir mübadiləsi aparılıb.
Səfər zamanı Ankara Universiteti ilə Lənkəran Dövlət Universiteti arasında təhsil, akademik və mədəni əməkdaşlıq sahəsində əməkdaşlıq protokolu imzalanıb. Əməkdaşlıq protokuluna əsasən, bu iki ali təhsil ocağı arasında müəllim-tələbə mübadiləsinin edilməsi, birgə elmi konfransların təşkili, həmçinin gələcəkdə ikili diplom layihəsinin həyata keçirilməsi üçün işlərin başlanması müzakirə olunub.
Əməkdaşlıq protokolunu Türkiyənin Ankara Universitetinin rektoru professor Necdet Ünüvar, Lənkəran Dövlət Universitetinin rektoru professor Natiq İbrahimov imzalayıblar.
