Daha öncə xəbər verdiyimiz kimi, lokal antiterror əməliyyatı zamanı şəhid olan əsgərlərimizin siyahısı açıqlanıb.
193 şəhid arasında ən gənci İsmiyev Zeynal Mustafa oğludur.
18 yaşlı Zeynal İsmiyevin ailəsi əslən Lənkəran rayonundandır. Lakin qəhrəmanımız Bakıda yaşayıb. O, paytaxtın Xətai rayonu A.S.Xəlilov adına 263 nömrəli tam orta məktəbi bitirib. Daha sonra Bakı Biznes və Kooperasiya Kollecinin Turizm işinin təşkili ixtisası üzrə təhsil alıb.
Şəhidimiz Kooperasiya liseyində təhsilini yarımçıq qoyaraq hərbi xidmətə yollanıb. O, Xocavənd istiqamətində qəhrəmancasına şəhid olub. İsmiyev 2 ayın əsgəri olub.
Şəhidimiz Suraxanı rayonundakı Dədə Qorqud Şəhidlər xiyabanında dəfn olunub.
Allah rəhmət eləsin!
