Sentyabrın 13-ü çətin relyefli dağlıq ərazidə hərbi nəqliyyat vasitəsinin qəzaya uğraması nəticəsində Azərbaycan Ordusunun hərbi qulluqçuları Taleh Saleh oğlu Əliyev, Elgün Elşad oğlu Həsənov və Nihad Kamrəddin oğlu Namazov həlak olublar. Bu haqda məlumatı Cenublu.az bu gün, 15 sentyabr tarixində verir.
Həlak olanlardan Elgün Həsənov əslən Lənkəran rayonundandır. O, Bakı şəhərinin Binə qəsəbəsində torpağa tapşırılıb.
Səfərbərlik və Hərbi Xidmətə Çağırış üzrə Dövlət Xidmətinin İctimaiyyətlə İş və Beynəlxalq Əlaqələr şöbəsinin rəisi Pərviz Sədrəddinov bildirib ki, həlak olan hərbçilərimizə şəhid statusu veriləcək.
