Dövlət Sərhəd Xidmətinin (DSX) rəis müavini, Lənkəranda anadan olan general-leytenant Cavid Abdullayev Azərbaycan Atçılıq Federasiyasının vitse-prezidenti təyin edilib.
Cenublu.az xəbər verir ki, Cavid Mirhəmzə oğlu Abdullayev Vətən müharibəsində göstərdiyi igidliyə görə "Qarabağ" ordeni ilə təltif olunub. Xidmət fəaliyyəti boyunca o, həmçinin 3-cü dərəcəli “Rəşadət” ordeni, 2-ci dərəcəli "Vətənə xidmətə görə" ordeni və "İgidliyə görə" medalı ilə mükafatlandırılıb.
Xatırladaq ki, C.Abdullayev 2012-ci ildə general-mayor, 2021-ci ildə isə general-leytenant ali hərbi rütbəsinə yüksəlib. O, 2021-ci ildən DSX rəisinin Maddi-Texniki Təminat üzrə müavini vəzifəsində çalışır.
