Lənkəranlı gənc Türkiyənin Qars Qafqaz Universitetinin doktorantura pilləsinə qəbul olunub. Bu haqda məlumatı Cenublu.az bu gün, 16 sentyabr tarixində verir.
Lənkəran Dövlət Universitetinin məzunu olan Səyyar Ağazadə Türkiyənin Qars Qafqaz Universitetinin Parazitologiya ixtisası üzrə doktorantura pilləsinə ən yüksək ortalama bal ilə daxil olub.
Səyyar Seyran oğlu Ağazadə 26 oktyabr 1998-ci ildə Lənkəran rayonunun Zövlə kəndində müəllim ailəsində anadan olub. 2016-2021-ci illər arasında Lənkəran Dövlət Universitetinin Baytarlıq ixtisasının məzunu olub.
Bakalavr təhsili aldığı müddətdə Türkiyənin Qars Qafqaz Universitetində “Mevlana mübadilə proqramı”nda iştirak edən LDU-nun ilk tələbəsi olub, baytarlıq ixtisasının magistratura pilləsini müvəfəqiyyətlə bitirib.
