Bu gün bir sıra televiziya kanallarında rejissor kimi çalışmış Natiq Axundun doğum günüdür.
Natiq Axund 1975-ci ildə fevralın 15-i Lənkəranda dünyaya göz açıb. O, 1994-1998-ci illərdə Lənkəran Dövlət Universitetinin Tarix ixtisasında, daha sonra 1998-2002-ci illərdə Azərbaycan Dövlət Mədəniyyət və İncəsənət Universitetinin Rejissorluq ixtisasında təhsil alıb. Tələbə yaşlarında “Lumu” Şən və Hazırcavablar Klubu (KVN) komandasının üzvü olan N.Axundov, həmçinin komandanın kapitanı olub.
Natiq bəy bir sıra televiziya kanallarında rejissor, layihə rəhbəri, aparıcı kimi çalışıb. 2018-2021-ci illərdə Türkiyə istehsalı olan “Savaşçı” serialında (2017-2021) çəkilib.
Onun rejissorluq filmoqrafiyasına “Böhtan”, “Tamahkar” və “Həkimlər” kimi layihələr daxildir.
