Lənkəranda qanunsuz yolla əldə edilmiş meşə materialları aşkarlanıb. Bu haqda məlumatı Cenublu.az bu gün, 27 noyabr tarixində verir.
DİN-in Baş İctimai Təhlükəsizlik İdarəsinin və ETSN-in Regional İdarəsinin əməkdaşlarının keçirdiyi birgə tədbirlərlə Lənkəran rayonunun Qurumba kəndi ərazisində yerləşən E.Əmirova məxsus və qanunsuz fəaliyyət göstərən taxta emalı sexinə keçirilən baxış zamanı qanunsuz yolla əldə edilmiş 5,5 kub metr həcmində qızılağac cinsli işlik meşə materialı aşkarlanıb.
Aşkarlanan faktla bağlı İnzibati Xətalar Məcəlləsinin müvafiq maddəsi ilə protokol tərtib olunub və həmin şəxs qanunvericiliyə uyğun olaraq inzibati məsuliyyətə cəlb olunub.
