Lənkəran şəhərinin mərkəzi küçələrində sahibsiz küçə itlərinin sayı artıb.
Sakinlərin Cenublu.az-a verdiyi məlumata görə, itlərin çoxluğu səbəbindən nəqliyyatın hərəkətində çətinliklər yaranır, avtomobil sürmək təhlükəli hala çevrilir. Gecə saatlarında isə itlərin səs-küyü sakinlərin istirahətinə mane olur, insanlar yatmaqda çətinlik çəkirlər.
Şikayətçilər aidiyyəti qurumlardan məsələyə biganə qalmamağı, sahibsiz heyvanlar üçün sığınacağın yaradılmasını, qısırlaşdırma tədbirlərinin həyata keçirilməsini və ümumilikdə problemin həlli üçün real addımlar atılmasını xahiş edirlər.
