Lənkərandan olan tanınmış həkim Qulu Fətullayev 80 yaşında dünyasını dəyişib.
Cenublu.az xəbər verir ki, Qulu Mirəhməd oğlu Fətullayev 11 sentyabr 1944-cü ildə Lənkəran rayonunun Boladi kəndində ziyalı ailəsində dünyaya göz açıb.
Q.Fətullayev 1961-ci ildə Lənkəran Tibb Texnikumunun feldşerlik fakültəsinə daxil olub. 1964-cü ildə bu məktəbi əla qiymətlərlə bitirərək Astara rayonunda, Liman şəhərində və Boladi kəndində feldşer kimi işləməyə başlayıb. Daha sonra Seçenov adına Moskva Dövlət Tibb Universitetinə daxil olub. Lakin atasının xəstəliyi ona təhsilini davam etdirməyə imkan verməyib.
1967-ci ildə isə Azərbaycan Tibb Universitetinə daxil olan Q.Fətullayev bu təhsil ocağını fərqlənmə diplomu ilə bitirərək Lənkərana qayıdıb. 1976-cı ildən Lənkəran Ağciyər xəstəlikləri xəstəxanasında həkim, şöbə müdiri, sonra isə 7 il baş həkim işləyib. 2010-cu ildən təqaüddə idi.
Allah rəhmət eləsin!
