Lənkəran Şəhər Heydər Əliyev Mərkəzində “Yeniyetməlik yaşının böhranlı dövrləri və onun korreksiya yolları” mövzusunda tədbir baş tutacaq. Bu haqda məlumatı Cenublu.az bu gün, 21 sentyabr tarixində verir.
23-24 sentyabr saat 11:00-da keçiriləcək tədbirdə Bakı Dövlət Universitetinin və Odlar Yurdu Universitetinin müəllimi, “Nömrə 1” Psixoloji Dəstək Mərkəzinin baş psixoloqu Könül Cəfərova və psixoloq Fərrux Əliyev yeniyetməlik yaş dövründə yaşanan depressiya halları, sosiallaşma, ailədaxili problemlərin aradan qaldırılması və həlli yolları barədə danışacaqlar.
Tədbirdə iştirak etmək istəyənlər +994 50 593 89 93 (WhatsApp) nömrəsi ilə əlaqə saxlayıb qeydiyyatdan keçə bilərlər.
Qeyd edək ki, tədbir Lənkəran-Astara Regional Gənclər və İdman İdarəsinin və “Nömrə 1” Psixoloji Dəstək Mərkəzinin təşkilatçılığı, Lənkəran-Astara Regional Təhsil İdarəsinin tərəfdaşlığı ilə baş tutacaq.
