Lənkəran şəhər Osman Mirzəyev adına qarışıq tipli uşaq evində boya-başa çatan iki dost – Əmrah və Namiq hərbi xidmətə yola salınıblar. Bu haqda məlumatı Cenublu.az bu gün, 27 oktyabr tarixində verir.
Əmrah Fəttayev 12 ildir uşaq evində yaşayıb. O, hərbi xidmətə yollandığı üçün qürur hissi keçirdiyini deyib:
“Artıq 18 yaşım tamam olub. Vətənimi, torpağımı qorumağa gedirəm”.
Namiq Zeynalov isə səkkiz ildir uşaq evində yaşadığını bildirib:
“Bu müddət ərzində uşaq evi işçilərindən ana qayğısı görmüşəm. Komandirimin əmrlərini və tapşırıqlarını layiqincə yerinə yetirməyə çalışacağam”.
Qeyd edək ki, Lənkəran şəhər Osman Mirzəyev adına qarışıq tipli uşaq evində çağırışçılar üçün tədbir keçirilib. Əmrahla Namiqi yola salmaq üçün valideynləri qədər doğma olan müəllimləri, qazilər və şəhid ailələri bir araya gəliblər.
