Lənkəranın ucqar kəndlərində yaşayan məktəbli qızlar Lənkəran şəhər Heydər Əliyev Mərkəzinə ekskursiya ediblər. Bu haqda məlumatı Cenublu.az bu gün, 4 oktyabr tarixində verir.
Ziyarətçilərə Mərkəzin ekspozisiya zalında yerləşən ümummilli lider Heydər Əliyevin ömür yolunu əks etdirən fotoşəkillər, sənədlər, Prezident İlham Əliyevin Lənkəran səfərlərini əks etdirən fotoşəkillər və 44 günlük Vətən müharibəsi haqqında məlumat verilib.
Qeyd edək ki, ekskursiya Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi, Lənkəran-Astara Regional Təhsil İdarəsinin təşkilati dəstəyi ilə “Qayğı” Uşaq Hüquqlarının Müdafiəsinə Yardım ictimai birliyinin icra etdiyi “Ucqar kəndlərdə məktəbli qızların sosial inkişafına dəstək” layihəsi çərçivəsində baş tutub.
