Lənkəran şəhər 3 saylı məktəbinin məzunu Elçin Əzizov həkimlər üçün nəzərdə tutulan sertifikasiya imtahanını uğurla keçib. Bu haqda məlumatı Cenublu.az bu gün, 25 noyabr tarixində Pravda.az-a istinadən verir.
Belə ki, 6 noyabr tarixində E.Əzizov tibbi sertifikasiya imtahanında yüksək bal toplayaraq şəhadətnamə alıb.
Xatırladaq ki, bu şəhadətnamə 5 il müddətində etibarlıdır.
Qeyd edək ki, Elçin Əzizov Azərbaycan Tibb Universitetində həkim-cərrah, N.İ. Piroqov adına Rusiya Milli Tədqiqat Tibb Universitetində laparoskopiya, Kazan dövlət Tibb Akademiyasında laparoskopiya, Kazan dövlət Tibb Universitetində laparoskopiya üzrə təhsil alıb.
O, 1997-2004-cü illərdə Müdafiə Nazirliyinin N saylı Hərbi Səhra Hospitalında hərbi səhra cərrahı, 2004-2009-cu illərdə Leyla Şıxlinskaya klinikasında cərrah-laparoskopist, 2009-2010-cu illərdə “EstetikMed Plaza”da cərrah-laparoskopist, 2010-2011-ci illərdə “Oksigen” klinikasında cərrah-laparoskopist, 2011-2013-cü illərdə “Modern Hospital”da cərrah-laparoskopist, 2013-2014-cü illərdə “Caspian İnternational Hospital”da cərrah-laparoskopist, Bakı Sağlamlıq Mərkəzində şöbə müdiri, cərrah-laparoskopist, DİN Mərkəzi Hərbi Hospitalında cərrah-laparoskopist, DTX Mərkəzi Hərbi Hospitalında cərrah-konsultant kimi çalışıb. 2019-cu ildən isə “Caspian İnternational Hospital”da cərrah-laparoskopistdir.
