Lənkəranda Sosial Xidmətlər Agentliyinin sədri Vüqar Behbudov vətəndaş qəbulu keçirib. Bu haqda məlumatı Cenublu.az bu gün, 25 yanvar tarixində verir.
Görüşdə 30 vətəndaş iştirak edib. Qəbulda imtiyazlı şəxslərin mənzil (fərdi ev), avtomobil təminatı, himayədar ailə, övladlığagötürmə və s. mövzularda müraciətlər cavablandırılıb. Vətəndaşların məsələlərinin həlli ilə bağlı müvafiq tapşırıqlar verilib.
Qeyd edək ki, vətəndaş qəbullarında hər kəs iştirak edə bilər.
Bunun üçün (012) 525-41-30 (daxili 5614, 5043) telefon nömrəsinə zəng etmək, [email protected] elektron poçt ünvanına məktub göndərmək, yerli filiala yaxınlaşmaq və ya agentliyin sosial şəbəkə hesablarına müraciət etmək lazımdır.
