Lənkəran KOBİM tərəfindən KOB subyektləri üçün “Sosial mediada reklam üçün hədəf kütləsinin təyin edilməsi” mövzusunda maarifləndirici təlim keçirilib. Bu haqda məlumatı Cenublu.az bu gün 4 dekabr tarixində verir.
Təlimdə 10 nəfər sahibkar iştirak edib. Lənkəran KOBİM-in peşəkar eksperti tərəfindən təlimdə məhsul və xidmətlərin effektiv şəkildə tanıdılması üçün satışla nəticələnən reklamların hazırlanması, müştərilərin düzgün müəyyən edilməsi, auditoriyanın sosial şəbəkələrdə aktiv olduğu vaxtın analiz edilməsi, qrupların müəyyən edilməsi, onlayn istehlakçı davranışları, satışla nəticələnən reklamların hazırlanması və hədəf kütləyə fokuslanmış paylaşımların hazırlanması mövzularında ətraflı məlumat verilib.
Təlimin sonunda mövzu ətrafında müzakirələr aparılıb və iştirakçıların sualları cavablandırılıb.
