Lənkəran şəhəri, Füzuli küçəsi 121A ünvanında fəaliyyət göstərən, Orxan Baxşızadəyə məxsus şərab evində Qida Təhlükəsizliyi Agentliyinin əməkdaşları tərəfindən keçirilən yoxlama zamanı normativ-hüquqi aktların tələblərinin pozulduğu müəyyən edilib.
Cenublu.az xəbər verir ki, ictimai iaşə obyektinin satış vitrinində Azərbaycan dilində markalanması və istehsalçı barədə məlumatları olmayan “Имперская”, “Тigoda”, “Столовая”, “Русский Дозор” və “Российская Корона” əmtəə nişanlı araq məhsulları aşkarlanıb.
Faktla bağlı qanunvericiliyə uyğun tədbirlər görülüb. Sahibkar barəsində inzibati protokol tərtib edilib, məhsulların satışı məhdudlaşdırılıb və nümunələr götürülərək Qida Təhlükəsizliyi İnstitutunun müvafiq laboratoriyasına təqdim olunub.
