Lənkəran şəhərində Vətən müharibəsi şəhidlərinin övladları üçün tədbir keçirilib. Bu haqda məlumatı Cenublu.az bu gün, 2 dekabr tarixində verir.
Görüşdə Lənkəran, Masallı, Lerik və Astarada yaşayan şəhid ailələri iştirak ediblər. Görüş zamanı Ombudsman Səbinə Əliyeva şəhid ailələrinin problemlərinin həll edilməsinə, onların hüquqlarının müdafiəsinə hər zaman diqqətlə yanaşıldığını bildirib.
Həmçinin görüş çərçivəsində uşaqlar üçün mədəni proqram təşkil olunub.
Qeyd edək ki, tədbir "Zəfər" Şəhid Ailələrinə Dəstək İctimai Birliyi və Azərbaycan Respublikasının İnsan Hüquqları üzrə Müvəkkili (Ombudsman) təsisatının birgə təşkilatçılığı ilə həyata keçirilib.
