Lənkəranda Vətən müharibəsi şəhidi Rasim Mirzəyevin mövlud günü münasibətilə məzarı ziyarət edilib. Bu haqda məlumatı Cenublu.az bu gün, 28 noyabr tarixində verir.
Mərasimdə Jidi kənd ümumi orta məktəbinin pedaqoji kollektivi iştirak edib. Şəhidin məzarı önünə gül dəstələri düzülüb və xatirəsi ehtiramla anılıb.
Rasim Mirzəyev 28 noyabr 1998-ci ildə Lənkəranın ucqar dağ kəndi Gəgiranda anadan olub. Vətən müharibəsi zamanı əsgərimizin döyüş yolu Füzulidən başlayıb. Cəbrayıl və Qubadlının azad olunması uğrunda qəhrəmancasına vuruşan Rasimin sonuncu döyüşü oktyabrın 19-da olub.
Qeyd edək ki, şəhid ölümündən sonra “Vətən uğrunda”, “Cəsur döyüşçü”, “Cəbrayılın azad olunmasına görə” və “Qubadlının azad olunmasına görə” medalları ilə təltif edilib.
