Azərbaycanın Qarabağ bölgəsində antiterror əməliyyatı zamanı şəhid olan Mirmusa Hüseynzadənin ailəsi ziyarət olunub. Bu haqda məlumatı Cenublu.az bu gün, 7 noyabr tarixində verir.
Ziyarət mərasimində Lənkəran şəhər Uşaq Rəssamlıq Məktəbinin əməkdaşları iştirak ediblər. Burada məktəbin əməkdaşları şəhidin ailə üzvləri ilə söhbət edib və şəhidin ev-müzeyindəki əşyaları ilə tanış olublar.
Sonra mədəniyyət nümayəndələri şəhidin məzarına baş çəkiblər.
Qeyd edək ki, şəhid Mirmusa Hüseynzadə Uşaq Rəssamlıq Məktəbinin yetirməsi olub və dəfələrlə beynəlxalq və respublika müsabiqələrində iştirak edib.
