Lənkəranda “Sağlam məhəllə” idman zonası sakinlərin istifadəsinə verilib. Bu haqda məlumatı Cenublu.az bu gün, 3 oktyabr tarixində Report.az-a istinadən verir.
Belə ki, şəhərin akademik Zərifə Əliyeva küçəsində, 2-ci mikrorayon yaşayış massivində yaradılan idman zonasında minifutbol və basketbol meydançaları, stolüstü tennis, şahmat, eləcə də hər yaş qrupuna uyğun fitnes avadanlıqları yerləşdirilib.
Açılışda gənclər və idman naziri Fərid Qayıbov, nazir müavini Mariana Vasileva, Lənkəran şəhər İcra Hakimiyyətinin başçısı Taleh Qaraşov, idman səfirləri Zaur Paşayev, Aliyə Paşayeva, tanınmış futbolçular Kamran Ağayev, Ruslan Abışov və şəhər sakinləri iştirak ediblər.
Tədbirdə yeniyetmə idmançılar öz məharətlərini göstəriblər. Həmçinin tanınmış idmançılar uşaqlarla ünsiyyətdə olublar, nazir Fərid Qayıbov yarışlarda yüksək nəticə göstərən idmançılarla söhbət edib və tövsiyələrini verib.
