Lənkəran şəhəri 6 nömrəli məktəb-liseydə “Sağlam həyat naminə narkomaniyaya yox deyək” adlı görüş baş tutub. Bu haqda məlumatı Cenublu.az bu gün, 22 sentyabr tarixində verir.
Tədbirdə Lənkəran Şəhər Rayon Polis Şöbəsinin və Lənkəran-Astara Regional Gənclər və İdman İdarəsinin əməkdaşları, şagirdlər, müəllimlər və valideynlər iştirak ediblər.
Tədbirin keçirilməsində əsas məqsəd şagirdləri narkomaniya və digər zərərli vərdişlərin fəsadları barədə məlumatlandırmaq, narkomanlığın cəmiyyətdə yaratdığı sosial bəlalar və insanların sağlamlığına vurduğu ziyanlarla bağlı məktəblilər arasında təbliğat aparmaq, onları belə neqativ əməllərdən çəkindirmək, şagirdlərin təhsilə, elmə, idmana olan marağını artırmaq olub.
Qeyd edək ki, görüş Lənkəran-Astara Regional Gənclər və İdman İdarəsi, Lənkəran-Astara Regional Təhsil İdarəsi və Lənkəran Şəhər Rayon Polis Şöbəsinin birgə təşkilatçılığı ilə baş tutub.
