Lənkəranda 3 yaşlı uşağın ölümü ilə bağlı Tibbi Ərazi Bölmələrini İdarəetmə Birliyi (TƏBİB) açıqlama verib. Bu haqda məlumatı Cenublu.az bu gün, 18 dekabr tarixində verir.
TƏBİB-nin tabeliyində fəaliyyət göstərən Lənkəran Rayon Mərkəzi Xəstəxanasının ictimaiyyətlə əlaqələr üzrə mütəxəssisi Zamin Rzayevin verdiyi məlumata görə, 2020-ci il təvəllüdlü uşaq 17.12.2023 tarixində saat 06:00 radələrində huşsuz vəziyyətdə TƏBİB-nin tabeliyində fəaliyyət göstərən Lənkəran Rayon Mərkəzi Xəstəxanasının Uşaq şöbəsinə gətirilib.
Vəziyyəti ağır olan xəstə saat 10:45-də mərkəzin reanimasiya şöbəsinə köçürülüb. Azyaşlıya virus mənşəli meninqoensefalit diaqnozu qoyulub. Görülən reanimasiya tədbirlərinə baxmayaraq, saat 15:00 radələrində azyaşlının ölüm faktı qeydə alınıb.
Qeyd edək ki, vəfat edən azyaşlının 4 yaşlı qardaşı Yunus Elvin oğlu Abızadədə də hərarət müşahidə olunub. O, Bakıdakı xəstəxanaların birinə göndərilib.
