Lənkəranda 3 yaşlı uşaq qızılcadan vəfat edib. Bu haqda məlumatı Cenublu.az bu gün, 18 dekabr tarixində Report.az-a istinadən verir.
Belə ki, rayonun Şirinsu qəsəbə sakini, 3 yaşlı Uğur Elvin oğlu Abızadədə bir həftə əvvəl yüksək hərarət müşahidə olunub. O, ev şəraitində müalicə alıb. Lakin ötən gündən uşaqda yenidən hərarət yaranıb. Təcili tibbi yardım xidmətinə müraciət olunub. İlk tibbi yardımdan sonra uşağın xəstəxanada müəlicə olunmasının zəruriliyi valideynlərin diqqətinə çatdırılıb. Ailə üzvləri razılaşmayıblar. Bir müddət sonra yenidən halı pisləşən azyaşlı yaxınları tərəfindən xəstəxanaya gətirilib.
Lakin göstərilən tibbi yardımlara baxmayaraq, onun həyatını xilas etmək mümkün olmayıb.
Qeyd edək ki, ailənin 4 yaşlı digər uşağı Yunus Elvin oğlu Abızadədə də hərarət müşahidə olunub. O, Bakıya xəstəxanaların birinə göndərilib.
