Lənkəranda plastik qablaşdırma tullantılarının ayrıca yığılması üçün 11 yeni zibil qutusu quraşdırılıb. Bu haqda məlumatı Cenublu.az bu gün, 9 oktyabr tarixində verir.
Lənkəran şəhər İcra Hakimiyyəti bildirib ki, yaxın vaxtlarda daha bir neçə zibil qutusunun gətirilməsi nəzərdə tutulur.
Xatırladaq ki, Lənkəran Şəhər İcra Hakimiyyəti şəhər ərazisində istifadə olunmaq üçün cari ildə 50 yeni zibil qutusunun alınmasını təmin edib və zibil qutuları tələbatın daha çox olduğu ərazilərdə qoyulub.
Qeyd edək ki, plastik və polietilen məhsulların parçalanaraq yox olması üçün torpaqda 800, dənizdə 400 il vaxt lazım olur. Bu səbəbdən sakinlərdən xahiş olunur ki, plastik qablaşdırma tullantılarını şəhərə qoyulan ayrıca zibil qutularına atsınlar.
