Lənkəran Dövlət Universiteti və Lənkəran-Astara Regional Təhsil İdarəsinin birgə təşkilatçılığı ilə Zona Fənn Olimpiadası (ZFO) keçiriləcək.
Cenublu.az xəbər verir ki, Lənkəran-Astara Regional Təhsil İdarəsinin tabeliyindəki ümumtəhsil müəssisələrinin IX, X və XI sinif şagirdləri fizika, riyaziyyat, informatika, kimya, biologiya və coğrafiya fənləri üzrə biliklərini sınaya biləcəklər.
Qeydiyyatdan keçmək istəyən şagirdlər təhsil aldıqları məktəblərin rəhbərlərinə 28 fevral 2025-ci il saat 17:00-a kimi müraciət etməlidirlər.
ZFO 05 aprel 2025-ci il tarixində, saat 10:00-da Lənkəran Dövlət Universitetinin 2 saylı tədris binasında (Lənkəran şəhəri, Əli Məmmədov küçəsi, 40) keçiriləcək. Olimpiada təşkil edilən otaqlara telefon və digər əlavə vasitələrlə daxil olmağa icazə verilmir.
Nəticələrinə görə şagirdlər müvafiq yerlərə layiq görüləcəklər:
🥇 I yer (26-30 bal toplayan şagird)
🥈 II yer (22-25 bal toplayan şagird)
🥉 III yer (16-21 bal toplayan şagird)
Olimpiadanın nəticələri Lənkəran Dövlət Universitetinin rəsmi veb saytında (www.lsu.edu.az) elan ediləcək.
