Lənkəran rayonunda "Narkomaniya günümüzün bəlası" adlı tədbir baş tutub. Bu haqda məlumatı Cenublu.az bu gün, 23 sentyabr tarixində verir.
Tədbirdə çıxış edən natiqlər narkomaniyanın bu gün bəşəriyyətin ən ciddi və ağrılı problemi olduğunu bildiriblər.
Məruzə və çıxışlarda narkomaniyaya qarşı mübarizə sahəsində rayonda həyata keçirilən tədbirlərdən danışılıb. Sonda Daxili İşlər Naziriliyi narkomaniya ilə mübarizəyə həsr olunmuş qısametrajlı film nümayiş etdirib.
Tədbir "Təhsil" RİM Lənkəran şəhər UGİŞM PHŞ-nin, Lənkəran-Astara Regional Gənclər və İdman İdarəsinin, Tibbi İdman Dispanserinin və Lənkəran Şəhər Rayon Polis şöbəsinin birgə təşkilatçılığı ilə baş tutub.
