Lənkəranda “Məşğulluğa Dəstək Layihəsi” çərçivəsində ictimai dinləmə baş tutacaq. Bu haqda məlumatı Cenublu.az bu gün, 3 oktyabr tarixində verir.
Tədbirdə layihənin hədəf və məqsədləri, əhatə dairəsi, layihənin icrası zamanı ətraf mühit və sosial məsələlərə dair tələblər, proqramın gözlənilən faydaları, müraciət və iştirak qaydalarına dair məlumat veriləcək.
İctimai dinləmə 5 oktyabr saat 12:00-da nazirliyin tabeliyindəki Dövlət Məşğulluq Agentliyinin Lənkəran-Astara Regional Məşğulluq filialında keçiriləcək.
Qeyd edək ki, dinləmə Əmək və Əhalinin Sosial Müdafiəsi Nazirliyi tərəfindən və Dünya Bankının maliyyə dəstəyi ilə təşkil olunacaq.
