Lənkəran Şəhər Gənclər və İdman İdarəsinin və Lənkəran-Astara Regional Təhsil İdarəsinin birgə təşəbbüsü ilə 8 Noyabr - Zəfər Günü münasibətilə ümumi təhsil müəssisələrində idman tədbirləri keçirilib. Bu haqda məlumatı Cenublu.az bu gün, 8 noyabr tarixində verir.
Belə ki, Lənkəran rayon məktəbliləri arasında Nərimanabad qəsəbə tam orta məktəbində dama, atletika, Şiləvar məktəbində basketbol, Boladi 1 saylı məktəbində estafet yarışları keçirilib.
60 məktəblinin iştirak etdiyi kütləvi idman tədbirinin keçirilməsində məqsəd 8 Noyabr - Zəfər Gününü qeyd etmək, şəhidlərimizin əziz xatirəsini yad etmək, 44 günlük Zəfər tariximiz haqqında məktəbliləri maarifləndirmək, uşaq və gənclər arasında idmana marağın artırılması, sağlam həyat tərzinin təbliğidir.
